” بتوع السمنة غلبونا”.. أسطورة الزمالك يفتح النار على حسام حسن

قال أسطورة الزمالك عفت نصار، نجم الزمالك السابق، في لقاء حصري مع الإعلامي عمر ربيع ياسين في برنامجه "مان تو مان"، إن بطولة أفريقيا القادمة ستكون الاختبار الحقيقي للاعبي المنتخب المصري.

وأضاف نصار:
"كل التوفيق لهم يا رب، بطولة أفريقيا هي الاختبار الحقيقي لهم مع المنتخب، لأن كل المباريات اللي فاتت مش معاك حد، ولازم تقيس مستواك بفرق أقوى".

وأوضح أن المباريات السابقة لم تكن دقيقة في تقييم قدرات المنتخب:
"إحنا لعبنا مباراة مع نيوزيلندا بتوع السمنة ولعبنا مع كرواتيا، المباراة الوحيدة اللي لعبنا فيها مع فرقة اتغلبنا فيها، لكن باقي الفرق اللي لعبنا معاهم كانت في المتناول. وأعتقد لو الأهلي أو الزمالك أو بيراميدز أو المصري لعبوا المنتخبات دي هيكسبوها".

وأشار إلى الفرص التي يوفرها النظام الجديد:
"النظام الجديد أتاح لنا فرص كويسة أوي إنك تلعب مع تصنيف خارج التصنيف، فالطبيعي أنك توصل. سيب ده كله وتعالى في بطولة أفريقيا ونبدع. لو وصلنا لنصف النهائي أو النهائي أو رابع، حتى أنا أؤيد أنهم يستمروا مع المنتخب".

واختتم نصار تصريحاته بانتقاد واضح لأداء المنتخب:
"لم أستمتع بأي مباراة للمنتخب مع حسام حسن، أو بحس أننا بنقدم كرة، أو يمكن أن الفرق اللي قدمنا ضعيفة فمش بنظهر بشكل كويس، والمشكلة أن المكسب بيغطّي على كل حاجة، وبنفضل محلك سر".