قال الزمالك فى طريقه لحاجة مش حلوة …حازم إمام يصرخ لازم الناس تتحرك لإنقاذ الزمالك

31 ديسمبر، 2025

71 2 دقائق

اعرب حازم إمام ، نجم الزمالك السابق، عن حزنة الشديد بسبب الحال الذى وصل إليه نادى الزمالك، والذى تجسد فى مستوى الفريق الذى فاز بشق الأنفس على بلدية المحلة، فى دور الـ32 ببطولة كأس مصر.

حازم إمام الحقو الزمالك قبل مايضيع

حازم علق بعد اللقاء : تصريحات أحمد عبد الرؤوف ، عن الأزمة المالية تعكس الحال الصعب الذى وصل إليه نادى الزمالك مشيرا إلى أن المدير الفني مش عايز يتكلم، لكن واضح إن الأمور المادية طبعاً باينة للناس كلها

وقال إمام : أعتقد عمرنا ما شفنا نادي الزمالك في هذه الحالة.. أنا يعني مشفتش الزمالك قبل كده بالمنظر الإداري اللي هو فيه مشاكل كتير كبيرة جداً بهذا الشكل قبل كده، وباين على الفرقة بشكل كبير جداً

وأوضح قائد الزمالك السابق، مفيش فلوس وبالتالي الأمور صعبة جداً.. يعني بجد مش عارف حاسس الموضوع المرة دي مش زي كل مرة، موضوع أصعب بكثير

وأضاف موضوع مش بس كورة، موضوع نادي الزمالك.. مش عايز أقول كلمة كبيرة بس الزمالك يعني في طريقه لحاجة مش كويسة

وقال حازم إمام وده هيأثر على الرياضة بشكل عام مش كورة بس، يعني مش كورة، هيأثر على كل الألعاب لأن الزمالك دايماً شريك أساسي مع الأهلي في بناء مستقبل أو بناء المنتخبات

وقال نجم الزمالك السابق فاتمنى من المسؤولين يعني إن هو موضوع الزمالك ده يبقى بغض النظر عن مجالس الإدارات..

مضيفا فنحاول نساعد النادي مش نساعد المجلس.. المجلس يقعد ويمشي كلهم ليهم الإحترام طبعاً، لكن لو هما غلطوا يتحاسبوا، لكن النادي ككيان لازم الناس تعامله ككيان كبير في الوطن العربي كله يعني.