شوبير يجلد مسؤولًا زمالكاويًا: “إحنا ذاكرنا ونجحنا.. مش تلامذة خايبة
انفجار جديد في المعركة الإعلامية.. شوبير يرد بقوة: "عيب تقارن الأهلي بالمنتخب"!
شن الإعلامي أحمد شوبير هجومًا ناريًا على هشام نصر، نائب رئيس نادي الزمالك، بعدما خرج الأخير بتصريحات مثيرة للجدل طالب فيها بتدخل رئاسي لكبح جماح الصرف داخل النادي الأهلي ودعم الأندية الجماهيرية الأخرى مثل الزمالك والإسماعيلي والمصري.
وفي مداخلة عبر قناة الأهلي، قال شوبير غاضبًا:
“إحنا داخلين على مصيبة سودة… كل يوم قصة جديدة، مرة حلال وحرام، ومرة وكالة الأهرام، ودلوقتي الأهلي أقوى من المنتخب؟! ده كلام خطير جدًا… ولازم توقف عندك!”.
وتابع: “النادي الأهلي ذاكر واشتغل وتعب علشان يوصل للي هو فيه… هو الأعلى قيمة تسويقية، وبطل أفريقيا، وبيشارك في كأس العالم للأندية وبيجيب 10 مليون دولار… إحنا مش تلامذة خايبة في فصل فاشل!”.
وأضاف:
“اللي مش قادر ينجح يحل مشاكله بعيد عن الأهلي… الأهلي ماشي لقدام ومابيطلعش يتباكى، وأي حد يتكلم عننا يتكلم باحترام… النادي ده قصة نجاح مش شماعة تفشلوا بيها”.
كأس العالم لكرة القدم 2026
من 11 يونيو إلى 19 يوليو
